हरिः ओम्

Sloka Text in Telugu , Kannada, Gujarati, Devanagari, English

સુન્દરકાણ્ડ્
અથ ચતુર્વિંશસ્સર્ગઃ

તતસ્સીતામુપાગમ્ય રાક્ષસ્યો વિકૃતાનનઃ|
પરુષં પરુષા નાર્ય ઊચુસ્તાં વાક્યમપ્રિયમ્ ||1||

કિં ત્વં અન્તઃપુરે સીતે સર્વભૂતમનોહરે|
મહાર્હશયનોપેતે ન વાસમનુમન્યસે||2||

માનુષી માનુષષ્યૈવ ભાર્યા ત્વં બહુમન્યસે|
પ્રત્યાહાર મનો રામાન્ ન ત્વં જાતુ મર્હસિ||3||

ત્રૈલોક્ય વસુભોક્તારં રાવણં રાક્ષસેશ્વરમ્|
ભર્તાર મુપસંગમ્ય વિહરસ્વ યથા સુખમ્||4||

માનુષી માનુષં તં તુ રામમ્ ઇચ્ચસિ શોભને|
રાજ્યાત્ ભ્રષ્ટં અસિદ્ધાર્થં વિક્લબં ત્વ મનિંદિતે||5||

રાક્ષસીનાં વચઃ શ્રુત્વા સીતા પદ્મનિભેક્ષણા|
નેત્રાભ્યાં અશ્રુપૂર્ણાભ્યાં ઇદં વચનમબ્રવીત્ ||6||

યદિદં લોકવિદ્વિષ્ટ મુદાહરથ સંગતાઃ|
નૈતન્ મનસિ વાક્યં મે કિલ્બિષં પ્રતિભાતિ મે||7||

ન માનુષી રાક્ષસસ્ય ભાર્યા ભવિતુમર્હતિ|
કામં ખાદત માં સર્વા ન કરિષ્યામિ વો વચઃ||8||

દીનો વા રાજ્યહીનો વા યો મે ભર્તા સ મે ગુરુઃ|
તં નિત્યમનુરક્તાઽસ્મિ યથા સૂર્યં સુવર્ચલા||9||

યથા શચી મહાભાગા શક્રં સમુપતિષ્ટતિ|
અરુંધતી વશિષ્ઠં ચ રોહિણી શશિનં યથા||10||

લોપમુદ્રા યથાઽગસ્ત્યં સુકન્યા ચ્યવનં યથા|
સાવિત્રી સત્યવંતં ચ કપિલં શ્રીમતી યથા||11||

સૌદાસં મદયંતીવ કેશિની સગરં યથા|
નૈષધં દમયંતીવ ભૈમી પતિમનુવ્રતા||12||

તથાઽહં ઇક્ષ્વાકુ રામં પતિમનુવ્રતા|
સીતાયા વચનં શ્રુત્વા રાક્ષ્યસઃ ક્રોધમૂર્છિતાઃ||13||

ભર્ત્સયન્તિ સ્મ પરુષૈઃ વાક્યૈ રાવણચોદિતા|
અવલીનઃ સ નિર્વાક્યો હનુમાન્ શિંશુપાદ્રુમે||14||

સીતાં સંતર્જયન્તીનામ્ રાક્ષસીનાં સ શુશ્રુવે||
તામભિક્રમ્ય સંક્રુદ્ધા વેપમાનાં સમન્તતઃ||15||

ભૃશં સંલિલિહુર્દીપ્તાન્ પ્રલમ્બાન્ દશનચ્ચદાન્|
ઊચુશ્ચ પરમક્રુદ્ધાઃ પ્રગૃહ્યાશુ પરશ્વધાન્||16||

નેયમર્હસિ ભર્તારં રાવણં રાક્ષસાધિપમ્|
સા ભર્ત્સ્યમાના ભીમાભિ રાક્ષસીભિર્વરાનના||17||

સા ભાષ્પમુપાર્જન્તી શિંશુપાં તામુપાગમત્|
તતસ્તાસાં શિંશુપાં સીતા રાક્ષસીભિઃ સમાવૃતા||18||

અભિગમ્ય વિશાલાક્ષી તસ્થૌ શોકપરિપ્લુતા|
તાં કૃશાં દીનવદનાં મલિનામ્બરધારિણીમ્||19||

ભર્ત્સયાં ચક્રિરે સીતાં રાક્ષસ્ય સ્તાં સમન્તતઃ|
તતસ્તાં વિનતા નામ રાક્ષસી ભીમદર્શના||20||

અબ્રવીત્કુપિતાકારા કરાળા નિર્ણતોદરી|
સીતે પર્યાપ્ત મેતાવત્ ભર્તુસ્નેહો નિદર્શિતઃ||21||

સર્વત્રાતિકૃતં ભદ્રે વ્યસના યોપકલ્પતે|
પરિતુષ્ટાસ્મિ ભદ્રં તે માનુષસ્તે કૃતો વિધિઃ||22||

મમાપિ તુ વચઃ પથ્યં બ્રુવન્ત્યાઃ કુરુ મૈથિલિ|
રાવણં ભજ ભર્તારં ભર્તારં સર્વ રક્ષસામ્||23||

વિક્રાન્તં રૂપવન્તં ચ સુરેશ મિવ વાસવમ્|
દક્ષિણં ત્યાગશીલં ચ સર્વસ્ય પ્રિયદર્શનમ્||24||

માનુષં કૃપણં રામં ત્યક્ત્વા રાવણ માશ્રય|
દિવ્યાઙ્ગરાગા વૈદેહી દિવ્યાભરણભૂષિતા||25||

અદ્ય પ્રભૃતિ સર્વેષાં લોકાનાં ઈશ્વરી ભવ|
અગ્ને સ્સ્વાહા યથા દેવી શચીઽવેંદ્રસ્ય શોભને||26||

કિં તે રામેણ વૈદેહી કૃપણેન ગતાયુષા|
એતદુક્તં ચ મે વાક્યં યદિ ત્વં ન કરિષ્યસિ||27||

અસ્મિન્ મુહૂર્તે સર્વાસ્ત્વાં ભક્ષયિષ્યામહે વયમ્|
અન્યાતુ વિકટા નામ લમ્બમાનપયોધરા||28||

અબ્રવીત્ કુપિતા સીતાં મુષ્ટિ મુદ્યમ્ય ગર્જતી|
બહૂન્ અપ્રિયરૂપાણિ વચનાનિ સુદુર્મતે||29||

અનુક્રોશાન્ મૃદુત્વા ચ્ચ સોઢાનિ તવ મૈથિલિ|
ન ચ નઃ કુરુષે વાક્યં હિતં કાલપુરસ્કૃતમ્||30||

અનીતાસિ સમુદ્રસ્ય પારં અન્યૈર્દુરાસદમ્|
રાવણાન્તઃ પુરં ઘોરં પ્રવિષ્ટા ચાપિ મૈથિલિ||31||

રાવણસ્ય ગૃહે રુદ્ધા મસ્માભિસ્તુ સુરક્ષિતામ્|
નત્વાં શક્તઃ પરિત્રાતુ મપિ સાક્ષાત્ પુરન્દરઃ||32||

કુરુષ્વ હિત વાદિન્યા વચનં મમ મૈથિલિ|
અલં અશ્રુપ્રપાતેન ત્યજ શોકમનર્થકમ્||33||

ભજ પ્રીતિં ચ હર્ષં ચ ત્યજૈતાં નિત્ય દૈન્યતામ્|
સીતે રાક્ષસરાજેન સહ ક્રીડા યથાસુખમ્||34||

જાનાસિ યથા ભીરુ સ્ત્રીણાં યૌવનમધ્રુવમ્|
યાવન્ન તે વ્યતિક્રામેત્ તાવત્ સુખમવાપ્નુહિ||35||

ઉદ્યાનાનિ ચ રમ્યાણિ પર્વતોપવનાનિ ચ|
સહ રાક્ષસરાજેન ચર ત્વં મદિરેક્ષણે||36||

સ્ત્રી સહસ્રાણિ તે સપ્ત વશે સ્થાસ્યંતિ સુન્દરી|
રાવણં ભજ ભર્તારં ભર્તારં સર્વ રક્ષસામ્||37||

ઉત્પાટ્ય વાતે હૃદયં ભક્ષયિષ્યામિ મૈથિલિ|
યદિ મે વ્યાહૃતં વાક્યં ન યથાવત્ કરિષ્યસિ||38||

તતશ્ચણ્ડોદરી નામ રાક્ષસી ક્રોથમૂર્છિતા|
ભ્રામયન્તી મહચ્ચૂલ મિદં વચનમબ્રવીત્||39||

ઇમાં હરિણ લોલાક્ષીં ત્રાસોત્કમ્પિપયોધરામ્|
રાવણેન હૃતાં દૃષ્ટ્વા દૌહૃદો મે મહાનભૂત્||40||

યકૃત્પ્લીહ મથોત્પીડં હૃદયં ચ સબન્ધનમ્|
અન્ત્રાણ્યપિ તથા શીર્ષં ખાદેય મિતિ મે મતિઃ||41||

તતસ્તુ પ્રઘસા નામ રાક્ષસી વાક્યમબ્રવીત્ |
કંઠમસ્યા નૃશંસાયાઃ પીડયામ કિમાસ્યતે||42||

નિવેદ્યતાં તતો રાજ્ઞે માનુષી સા મૃતેતિ હ |
નાત્ર કશ્ચન સંદેહાઃ ખાદતેતિ સ વક્ષ્યતિ ||43||

તતસ્ત્વજામુખી નામ રાક્ષસી વાક્યમબ્રવીત્ |
વિશ સ્યેમાં તત સ્સર્વાઃ સમાન્ કુરુત પીલુકાન્|44||

વિભજામ તતઃ સર્વા વિવાદો મે ન રોચતે|
સેય માનીયતાં ક્ષિપ્રં લેહ્યા મુચ્ચાવચં બહુ||45||

તતશ્શૂર્પણખાનામ રાક્ષસી વાક્યમબ્રવીત્ |
અજામુખ્યા યદુક્તં હિ તદેવ મમરોચતે||46||

સુરા ચાનીયતાં ક્ષિપ્રં સર્વ શોકવિનાશિની|
માનુષં માંસં આસાદ્ય નૃત્યામઽથ નિકુમ્ભિલામ્||47||

એવં સંભર્ત્સ્યમાના સા સીતા સુરસુતોપમા|
રાક્ષસીભિઃ સુઘોરાભિ ર્ધૈર્યમુત્સૃજ્ય રોદિતિ||48||

ઇત્યાર્ષે શ્રીમદ્રામાયણે આદિકાવ્યે વાલ્મીકીયે
ચતુર્વિંશત્ સહસ્રિકાયાં સંહિતાયામ્
શ્રીમત્સુન્દરકાણ્ડે ચતુર્વિંશસ્સર્ગઃ||

||ઓં તત્ સત્||

|| om tat sat||